Viele Dank für die wunderschöni "Hochziitsbox" mit em Stick, de Schatulle und em Chärtli! Mir händ geschtr alli Föteli während 2.5 Stund duregluegt und sind überwältigt & hend sooo Freud! Mir händ immer wiedr Gänsehuut gah odr e Freudetränli verdruckt und hend de Daag wieder so richtig toll Revue passiere loh chönne. Es isch unglaublich, wie perfekt ihr de ganzi Daag festghalte händ, wo vo s vill Emotione prägt gsi isch! Jedes (schallende) Lache, jedes Tränli & die ganz freudigi Nervosität hendr wunderbar iigfange und mir sind euch sososooo dankbar defür! Die Föteli wärde mir ganz sichr no 1000mol aluege und auno unsne Uränkel voller Stolz präsentiere. :-) Mir sind wahnsinnig froh und glücklich, hämmr euch an unserer Siite gah – ihr hend nid nur euchi Arbet fantastisch gmacht sondern sind au uf persönlicher Ebene eifach so toll! Mir danke euch vo ganzem Härze! Liebschti Grüess und danke nomol für alles! Carole und Chris